Bida di Studiante

Muda pa Hulanda pa sigui un estudio tin ora por ta basta complica. Tin hopi cos cu bo mester tene cuenta cu ne. P’esey e ta importante pa bo ta bon informa tocante tur cos cu bo mester regla prome cu bo laga Aruba. Pensa por ehempel riba e scol, e peticionnan pa haya financiamento na Hulanda y vivienda.

Gustosamente nos ta guiabo cu e proceso di aplicacion pa scol, e peticion na DUO (Departamento Ehecutivo di Educacion di Gobierno Hulandes) y e curso pa siña y practica mas di e idioma Hulandes.

Tambe nos ta certifica door di AMN pa haci e Talentscan y e pruebanan di Hulandes; cualnan ta pruebanan obhetivo y independiente di un metodo specifico. AMN mes ta un organizacion Hulandes consistiendo di varios experto e.o psicologonan, maestronan, conseheronan riba tereno tecnico y expertonan den recurso humano. Cu nan existencia di mas di 20 aña, nan ta kere den e talentonan di cada studiante y pa medio di e proceso di ‘evalua, maneha y navega’ nan ta yuda e studiante pa haya sa cua ta su areanan (talentonan) cu mas potencial. Como fundacion nos ta comparti e pensamento cu nan; esta cu cada studiante tin su mesun talento. Haciendo e testnan, abo ta bay miho prepara Hulanda.

Bo sa cuanto e ta costa pa muda pa Hulanda? Como un studiante “MBO” bo no tin
derecho riba subsidio di gobierno di Aruba y bo mes lo mester percura pa bo cubri bo gastonan. Hunto cu bo nos ta traha un specificacion di bo gastonan. Adicionalmente nos por yudabo cu e planificacion di bo presupuesto (budget).