BOL of BBL
Den MBO bo por sigui bo estudio pa medio di dos diferente trayecto di siñamento (of estilo di siñamento si bo ta desea di yam’e asina); dos manera pa obtene e mesun diploma. Kiermen bo no ta solamente scoge e estudio pero bo mester pensa bon tambe cua trayecto di siñamento bo kier sigui. Akibou nos ta splicabo e diferencia:
Trayecto Formacion Profesional (Beroepsopleidende leerweg: BOL)
Bo ta bay full siman scol y de bes en cuando bo ta core stage. Tin ora esey ta 1 dia den siman, tin ora esey ta un par di siman of luna tras di otro. Bo tin derecho riba financiamento di bo estudio via DUO y e producto di biahe-OV (OV-reisproduct). Esaki ta conoci tambe como BOL – Voltijds opleiding.
Trayecto Formacion Orientativo Profesional (Beroepsbegeleidende leerweg: BBL)
Bo ta traha desde e prome dia na un compania of organisacion. Bo tin e ora un trabou unda bo ta siña y gana bo placa. Mayoria bes bo ta bay -banda di e trahamento- 1 dia den siman scol pa bo siña teoria. Den caso cu bo scoge pa un estudio via e trayecto BBL, bo mester percura si pa tin un contrato laboral cu un dunado di trabou. Kinan bo no tin derecho riba financiamento di bo estudio via DUO y tampoco bo tin derecho riba e producto di biahe-OV pa studiante. Esaki ta conoci tambe como trayecto BBL – Deeltijds opleiding.