Nivel 1: Preparacion Entrada pa Estudio (Entreeopleiding)

Bo no tin un diploma di scol secundario? Pero…bo ta desea di sigui un estudio MBO? E ora bo lo por sigui e entreeopleiding. E estudio aki ta dura un aña y tin e bentaha cu e ta ofrece hopi structura y atencion personal na e studiantenan. Durante e entreeopleiding bo ta siña con pa traha den un compania of organizacion. Despues di e entreeopleiding bo por bay traha den un tienda of den horeca. Tambe bo por scoge pa sigui y pasa pa e estudio MBO nivel 2; cual ta un formacion profesional basico.

Nivel 2: Estudio Formacion Profesional Basico (Basisberoepsopleiding)

Bo tin un diploma EPB-arbeidsmarkt/ uitstroom? E ora bo por sigui un estudio MBO nivel 2. Un estudio di nivel 2 ta yama basisberoepsopleiding (formacion profesional basico) y ta dura 1 te 2 aña. Despues di e estudio nivel 2 aki bo por bay traha di biaha of sigui studia pa formacion profesional, esta MBO nivel 3. Esaki ta e formacion profesional. E estudio pa formacion profesional ta dura 3 aña.

Nivel 3: Formacion Profesional (Vakopleiding)

Bo tin un diploma MAVO, MBO-2 of diploma EPB- doorstroom. E ora bo por cuminsa di biaha cu un estudio MBO riba nivel 3. Esaki ta e estudio formacion profesional y ta dura 3 aña.

Nivel 4: Estudio Maneho Intermedio (Middenkaderopleiding)

Cu un diploma MAVO, MBO 2 of 3 of EPB-doorstroom bo por cuminsa na un estudio MBO nivel 4. E estudionan di nivel 4 aki ta enfoca riba e formacion di profesionalnan, unda e studiante ta siña pa planifica of administra of maneha na un forma responsabel y independiente.