Departamento Ehecutivo di Educacion

Na Hulanda bo tin como studiante MBO derecho riba financiamento di bo estudio.

Financiamento di estudio ta consisti di cuater parti:  

• Beca basico (Basisbeurs):

Tur studiante MBO tin derecho riba e beca basico. Despues di obtene bo diploma e suma presta ta bira un regaldo. Esey ta nifica cu bo no mester paga bek.

• Beca Adicional (Aanvullend beurs):

A base di y dependiendo di kico e entrada di bo mayornan ta; e beca adicional ta wordo calcula. Despues di obtene bo diploma e suma aki ta bira un regaldo. Esey ta nifica cu bo no mester paga esaki bek.

• Prestamo (Lening):

Pa bo ricibi e suma maximo riba cual bo tin derecho bo por presta. Dos aña despues cu bo a stop cu bo estudio bo ta cuminsa paga e suma presta bek.

• Producto pa biahe pa studiante (Studentenreisproduct):

Como studiante MBO bo mag di biaha pa medio di tur transporte publico. Bo por scoge pa biaha den siman (di dialuna 04.00 uur te diasabra 04.00 uur) of den weekend (diabierna 12.00 te dialuna 04.00 uur). Despues di obtene bo diploma e suma di e caarchi di biahe ta bira un regaldo. Esaki ta nifica cu bo no mester paga nada bek.